Bugun, 14-mart kuni Toshkent viloyatining Ohangaron tumanida Humo Arena muz saroyi tantanali ochilish marosimi mehmonlari va ishtirokchilari uchun Navro‘z bayrami uyushtirildi. Bu haqda “Daryo” muxbiri Sevara Nishonova xabar berdi.
Xalq saylining barcha ishtirokchilari bayram tadbirlarida ishtirok etish, polvonlar bellashuvini kuzatish, Yor-yor va o‘lanlar aytishuvlaridan qatnashish va albatta sumalak, halim va osh kabi milliy taomlar tayyorlanish jarayoni bilan tanishish imkoniga ega bo‘ldi.
Shuningdek, Navro‘z bayrami doirasida milliy hunarmandchilik namunalari ko‘rgazmasi ham o‘tkazildi. Tadbir ishtirokchilari o‘ymakorlar, kulollar hamda charmga badiiy ishlov beruvchi ustalar ishlari bilan tanishdi.
Navro‘z bayrami tantanasi Toshkent viloyati hokimligi va “Sevimli” telekanali tashabbusi bilan tashkil etildi.
Izoh (0)