Бугун, 14 март куни Тошкент вилоятининг Оҳангарон туманида Ҳумо Арена муз саройи тантанали очилиш маросими меҳмонлари ва иштирокчилари учун Наврўз байрами уюштирилди. Бу ҳақда «Дарё» мухбири Севара Нишонова хабар берди.
Халқ сайлининг барча иштирокчилари байрам тадбирларида иштирок этиш, полвонлар беллашувини кузатиш, Ёр-ёр ва ўланлар айтишувларидан қатнашиш ва албатта сумалак, ҳалим ва ош каби миллий таомлар тайёрланиш жараёни билан танишиш имконига эга бўлди.
Шунингдек, Наврўз байрами доирасида миллий ҳунармандчилик намуналари кўргазмаси ҳам ўтказилди. Тадбир иштирокчилари ўймакорлар, кулоллар ҳамда чармга бадиий ишлов берувчи усталар ишлари билан танишди.
Наврўз байрами тантанаси Тошкент вилояти ҳокимлиги ва «Севимли» телеканали ташаббуси билан ташкил этилди.
Изоҳ (0)