Efiopiyada Ethiopian Airlines aviakompaniyasining Boeing-737 samolyoti halokatga uchradi. Bu haqda “PIA Novosti” xabar bermoqda.
Havo kemasi 10-mart kuni Toshkent vaqti bilan soat 10.38 da Addis-Abebedagi Bole xalqaro aeroportidan parvoz qilgan. Oradan 6 daqiqa o‘tib ekipaj bilan aloqa yo‘qolgan.
Fojia Debre-Zayd shahri yaqinida ro‘y bergani, samolyot bortida 149 nafar yo‘lovchi va 8 nafar ekipaj a’zosi bo‘lgani bildirilmoqda.
Qurbonlar yoki omon qolganlar haqida hozircha ma’lumot yo‘q. Hodisa joyida qutqaruvchilar ishlamoqda.
Izoh (0)