O‘smirlar o‘rtasida o‘tkazilgan “Yosh koinot go‘zali” tanlovining sobiq g‘olibi Lotte Van Der Zi yurak xurujidan vafot etdi. Bu haqda Sputnik xabar bermoqda.
The Sun nashriga ko‘ra, gollandiyalik model oilasi bilan Avstriyadagi tog‘-chang‘i kurortida dam olayotgan bo‘lgan. O‘limidan bir kun oldin o‘tirishdan kelgan, biroq sog‘ligidan shikoyat qilmagan. Ertalab xonasidan chiqmaganidan so‘ng undan xabar olgani kirgan ota-onasi qizni xonasidan behush holda topgan.
Shifokorlar Lotteni sun’iy koma holatiga tushirib, Myunxenga olib bordi. U shu yerda hayotdan ko‘z yumdi. Ertasiga, 7-mart kuni Lotte 20 yoshni qarshilashi kerak edi.
Hozirda shifokorlar yurak xurujiga olib kelgan sabablarga aniqlik kiritmoqda.
Izoh (0)