AQSh prezidenti Pentagon uchun 2020-yilga 750 milliard dollar budjet talab qiladi. Bu joriy yil budjetidan 4,7 foizga ko‘p, deb xabar berdi “Interfaks”.
Mablag‘larning bir qismi (718 milliard dollar) bevosita Pentagon ehtiyojlari uchun sarflanadi, qolgan qismi esa yadro qurolini jangovar tayyorgarligini ta’minlashda ishtirok etayotgan Energetika vaziriligi bilan birgalikda sarflanadi. Ushbu talabnoma o‘tgan yilning dekabr oyida sobiq mudofaa vaziri Jeyms Mettis tomonidan tuzilgan.
“So‘rov keyingi haftada o‘tkaziladi. Kongress bunday summani tasdiqlamasligi ehtimoli yuqori. Chunki u Tramp bilan raqobatlashuvchi demokratlar tomonidan boshqariladi”, — deyiladi xabarda.
Pentagon vakili Charlz Sammers keyingi seshanbaga qadar bu masalada biror fikr bildirishdan bosh tortdi.
Xabarla aytilishicha, taxminan 544 milliard dollar “asosiy” xarajatlarga ajratilgan, 9 million dollar favqulodda xarajatlar uchun olib qo‘yilgan, qolgan 165 milliard dollar esa xorijdagi harbiy amaliyotlar uchun sarflanadi (hozirda Afg‘oniston, Suriya va Iroqda Amerika qo‘shinlari bor).
Izoh (0)