Germaniya kansleri Angela Merkel AQSh vitse-prezidenti Mayk Pensning 16-fevral kuni bo‘lib o‘tgan Myunxen xavfsizlik konferensiyasida Putinga g‘arb davlatlari ushbu suvlardan foydalanishdan voz kechmaganligini ko‘rsatish maqsadida Berlinga Harbiy dengiz kuchlari kemalarini Qrimga yuborish taklifini rad etdi. Bu haqda “Vesti.ru” xabar berdi.
Angela Merkel rad javobini Ukraina prezidenti Pyotr Poroshenko so‘zlari bilan izohlagan. Uning aytishicha, Germaniya Fransiya bilan birga o‘z kemalari otryadini Kerch bo‘g‘oziga yubormoqchi bo‘lgan, biroq Pyotr Poroshenko bu muammoni hal qilish uchun yetarli emasligini ta’kidlagan.
25-noyabr kuni Ukraina harbiy-dengiz kuchlarining uchta kemasi Rossiya davlat chegarasini kesib o‘tgan. Ular Rossiya hududiga qarashli dengizining vaqtincha yopiq suv maydoniga kirib, Qora dengizdan Kerch bo‘g‘oziga yo‘l olgan. Ukraina kemalari ularni kuzatib borgan Rossiya FXX chegara xizmati va Qora dengiz floti kemalarining talablariga e’tibor bermay xavfli manyovr qilgan.
FXX qurol ishlatgan holda Ukraina kemalarini qo‘lga olgan. Sud chegarani noqonuniy kesib o‘tgani uchun Ukrainaning 12 nafar dengizchilarini hibsga olish haqida qaror chiqargan.
“Ikki oy avval esa Ukrainaning ikkita HDK kemasi Kerch porti kapitaniga barcha kerakli talablarni taqdim etib Qora dengiz va Azov dengiziga erkin o‘tgan. Shundan kelib chiqqan holda Kiyev noyabr oyida kemalar harakatiga tahdid solgan holda ongli ravishda ziddiyatli vaziyatni keltirib chiqargan, deb xulosa qilish mumkin”, — deyiladi xabarda.
Izoh (0)