2019-yil 6-mart kuni xorijiy va mahalliy OAVda Stavropol o‘lkasining Kochubey tumanida yuz bergan yo‘l-transport hodisasida 6 nafar O‘zbekiston fuqarosi halok bo‘lgani haqida ma’lumotlar tarqaldi. Bu haqda TIV matbuot xizmati xabar berdi.
Shu munosabat bilan jabrlanganlarga konsullik-huquqiy yordam ko‘rsatish uchun O‘zbekistonning Rossiyadagi elchixonasi konsullik bo‘limi tezda o‘lka va tuman davlat tuzilmalari vakillari bilan bog‘landi. Ulardan YTH qurbonlari orasida O‘zbekiston fuqarolarining yo‘qligi to‘g‘risidagi rasmiy xabar olindi.
Rossiya OAVga ko‘ra, mikroavtobus va yuk mashinasi to‘qnashuvi oqibatida 6 kishi halok bo‘lgan, 5 kishi og‘ir jarohatlangan. Ular Ozarbayjon fuqarolari ekanligi aytilmoqda.
Izoh (0)