ТИВ: Ставрополда юз берган ЙТҲда ҳалок бўлганлар орасида ўзбекистонликлар йўқ

2019 йил 6 март куни хорижий ва маҳаллий ОАВда Ставрополь ўлкасининг Кочубей туманида юз берган йўл-транспорт ҳодисасида 6 нафар Ўзбекистон фуқароси ҳалок бўлгани ҳақида маълумотлар тарқалди. Бу ҳақда ТИВ матбуот хизмати хабар берди.

Шу муносабат билан жабрланганларга консуллик-ҳуқуқий ёрдам кўрсатиш учун Ўзбекистоннинг Россиядаги элчихонаси консуллик бўлими тезда ўлка ва туман давлат тузилмалари вакиллари билан боғланди. Улардан ЙТҲ қурбонлари орасида Ўзбекистон фуқароларининг йўқлиги тўғрисидаги расмий хабар олинди.

Россия ОАВга кўра, микроавтобус ва юк машинаси тўқнашуви оқибатида 6 киши ҳалок бўлган, 5 киши оғир жароҳатланган. Улар Озарбайжон фуқаролари эканлиги айтилмоқда.