Toshkentdagi Anhor sohilida, “Lokomotiv” bog‘ining orqa darvozasi yaqinida joylashgan uy ayni paytda buzib tashlanmoqda. Bu haqda Liliya Nikolenko Facebook‘dagi sahifasida ma’lum qildi.
Mazkur joyga Shayxontahur tumani hokimining o‘rinbosari kelgan va barchaning ko‘z o‘ngida uyni buzib tashlashga buyruq bergan. Kvartiralarning yarmida odamlar yashaydi, ma’lum bir qismida mebel qolgan.
Bu yerdagi aholi ko‘chib o‘tishga tayyor, biroq boradigan joyning o‘zi yo‘q. O‘rniga kvartiralar taqdim etilmagan, kompensatsiya (hokimlik buzilayotgan uylar uchun kompensatsiya shartnomasi tuzishdan bosh tortmoqda), vaqtinchalik yashab turish uchun ijara pullari berilmagan.
Faqat tuman hokimi imzosi bilan 3 oydan so‘ng buzilayotgan kvartiralar o‘rniga boshqasi berilishi va’da qilingan qog‘oz tutqazilgan va uni olib, kvartiralarni bo‘shatish talab qilingan. Aholi esa qog‘oz o‘rniga uy berilishini so‘ragan.
Izoh (0)