Тошкентдаги Анҳор соҳилида, «Локомотив» боғининг орқа дарвозаси яқинида жойлашган уй айни пайтда бузиб ташланмоқда. Бу ҳақда Лилия Николенко Facebook‘даги саҳифасида маълум қилди.
Мазкур жойга Шайхонтаҳур тумани ҳокимининг ўринбосари келган ва барчанинг кўз ўнгида уйни бузиб ташлашга буйруқ берган. Квартираларнинг ярмида одамлар яшайди, маълум бир қисмида мебел қолган.
Бу ердаги аҳоли кўчиб ўтишга тайёр, бироқ борадиган жойнинг ўзи йўқ. Ўрнига квартиралар тақдим этилмаган, компенсация (ҳокимлик бузилаётган уйлар учун компенсация шартномаси тузишдан бош тортмоқда), вақтинчалик яшаб туриш учун ижара пуллари берилмаган.
Фақат туман ҳокими имзоси билан 3 ойдан сўнг бузилаётган квартиралар ўрнига бошқаси берилиши ваъда қилинган қоғоз тутқазилган ва уни олиб, квартираларни бўшатиш талаб қилинган. Аҳоли эса қоғоз ўрнига уй берилишини сўраган.
Изоҳ (0)