Toshkent viloyatining Qibray tumanida yashovchi fuqaro 1500 dollar evaziga sobiq turmush o‘rtog‘i o‘limini tashkillashtirmoqchi bo‘ldi. Bu haqda huquqni muhofaza qilish organlaridagi manbasiga tayanib UzNews xabar bermoqda.
11-fevral kuni Toshkent viloyati IIBga Chirchiq shahrida yashovchi 1970-yilda tug‘ilgan B.Yu. ariza bilan murojaat qiladi. U o‘z arizasida tanishi, Qibray tumanida yashovchi 1981-yilda tug‘ilgan D.A. sobiq turmush o‘rtog‘i, 1979-yilda tug‘ilgan Sh.M.ni o‘ldirishi uchun unga 1500 dollar va’da qilayotgani xaqida ma’lum qiladi.
Ushbu holat yuzasidan o‘tkazilgan tezkor tadbir davomida, 13-fevral kuni soat 20:00 da B.Yu. buyurtmachi D.A. bilan uchrashib, unga qotillik jinoyati sodir etilganligi sahnalashtirilgan fotosuratlar hamda sobiq turmush o‘rtog‘iga tegishli ayollar sumkasi berilganidan so‘ng, buyurtmachi D.A. ishni bitirganligi uchun B.Yu.ga kelishilgan puldan 400 ming so‘mini berayotgan vaqtida daliliy ashyolar bilan qo‘lga olingan.
Mazkur holat yuzasidan Toshkent viloyat prokuraturasi tomonidan fuqaro D.Yu.ga nisbatan Jinoyat Kodeksining 25/97-moddasi 1-qismi bilan jinoyat ishi qo‘zg‘atilib, u ehtiyot chorasi sifatida qamoqqa olingan.
Izoh (0)