2019-yil 13 fevral kuni Toshkent shahrining Chilonzor tumanida “Bahtiyor Factor” MChJga qarashli pista qadoqlash sexida yong‘in sodir bo‘lgan. Bu haqda IIV jamoatchilik va OAV bilan aloqalar boshqarmasi xabar berdi.
Ko‘rilgan choralar natijasida yong‘in o‘chirilgan. Hodisa tufayli jihozlar yonib zarar ko‘rgan. Yong‘inni o‘chirish vaqtida shu sex ishchisi, Chilonzor tumanida yashovchi ayol kuyish jarohati olib, kasalxonaga yotqizilgan.
Yong‘inning kelib chiqish sabablari aniqlanmoqda. Holat yuzasidan surishtiruv ishlari olib borilmoqda.
Izoh (0)