Toshkentda Oliy Majlisning Inson huquqlari bo‘yicha vakili (Ombudsman)ning 2018-yildagi faoliyati to‘g‘risidagi O‘zbekiston ekologik harakati deputatlar guruhining yig‘ilishi bo‘lib o‘tdi. Bu haqda O‘zA xabar berdi.
Ma’lum bo‘lishicha, 2018-yilda Ombudsman nomiga jami 10 ming 832 ta murojaat kelib tushgan.
Shundan 71 ta murojaat fuqarolarning ekologik huquqlari bilan bog‘liq. Murojaatlar orasida 67 ta shikoyat, 3 ta ariza va 1 ta taklif mavjud.
Ularda daraxtlar kesilishi, aholi sug‘orma va ichimlik suv bilan ta’minlanishi, maishiy chiqindilar uyumlari buning uchun belgilangan joylarda to‘planishi ko‘tarilgan.
Qayd etilishicha, shikoyatlarni ko‘rib chiqish jarayonida tegishli choralar ko‘rilgan.
Xususan, Ombudsmanning Ekologiya va atrof-muhitni muhofaza qilish davlat qo‘mitasiga murojaatiga ko‘ra, Toshkent shahri Yunusobod tumanida tegishli ruxsatnomalarsiz daraxtlarni kesish bilan shug‘ullangan ikki shaxs ma’muriy javobgarlikka tortilgan va 1,9 million so‘mlik zarar qoplangan.
Izoh (0)