Buyuk Britaniya qirolichasi Yelizavetta IIning turmush o‘rtog‘i, yozda o‘zining 98 yoshini nishonlaydigan Edinburg gersogi shahzoda Filip, uning ishtirokida yanvar oyida sodir bo‘lgan YTHdan so‘ng haydovchilik guvohnomasini topshirdi, deya xabar beradi “TASS”.
“Masala sinchiklab o‘rganilgach, gersog o‘z ixtiyori bilan haydovchilik guvohnomasini topshirishga qaror qilgan”, — deyiladi bayonotda.
17-yanvar kuni shahzoda Filipp boshqaruvida bo‘lgan Land Rover Freelander, Sandringemning qirollik pomestiyasi yaqinida KIA avtomobili bilan to‘qnashib ketgan.
Edinburg gersogining mashinasi ag‘darilib ketgan.
Shahzoda Filip avtohalokat oqibatida jabrlanmagan.
U bo‘lib o‘tgan hodisa uchun uzr so‘radi. Shahzoda Filip qishning quyoshi ko‘zini qamashtirganini, oddiy sharoitlarda bunday hodisa bo‘lishi dargumonligini ma’lum qilgan.
Izoh (0)