Буюк Британия қироличаси Елизаветта IIнинг турмуш ўртоғи, ёзда ўзининг 98 ёшини нишонлайдиган Эдинбург герцоги шаҳзода Филип, унинг иштирокида январь ойида содир бўлган ЙТҲдан сўнг ҳайдовчилик гувоҳномасини топширди, дея хабар беради «ТАСС».
«Масала синчиклаб ўрганилгач, герцог ўз ихтиёри билан ҳайдовчилик гувоҳномасини топширишга қарор қилган», — дейилади баёнотда.
17 январь куни шаҳзода Филипп бошқарувида бўлган Land Rover Freelander, Сандрингемнинг қироллик поместияси яқинида KIA автомобили билан тўқнашиб кетган.
Эдинбург герцогининг машинаси ағдарилиб кетган.
Шаҳзода Филип автоҳалокат оқибатида жабрланмаган.
У бўлиб ўтган ҳодиса учун узр сўради. Шаҳзода Филип қишнинг қуёши кўзини қамаштирганини, оддий шароитларда бундай ҳодиса бўлиши даргумонлигини маълум қилган.
Изоҳ (0)