Toshkent logotipi, Yunusobodda bo‘g‘ib o‘ldirilgan qiz, Farg‘onadagi Xalq bankidan yo‘qolgan 100 ming dollar va kunning boshqa muhim xabarlari

8-fevralning e’tiborga molik yangiliklari — “Daryo” dayjestida.

Toshkent logotipini yaratish bo‘yicha tanlov g‘olibi aniqlandi. G‘oliblikka MA’NO Branding agentligi sazovor bo‘ldi.

Asosiy belgi — Toshkentning ochiq oltin darvozasi va T harfi ichiga tushadigan musaffo osmon bo‘lib, poklik, farovonlik va xotirjamlik timsolidir.

***

Toshkentda 15 yoshli qiz o‘z uyi podyezdida bo‘g‘ib o‘ldirildi.

Gumonlanuvchi — qizning o‘gay akasi. Ular janjallashib qolgan. Yigit Toshkent shahar IIBB jinoyat qidiruv boshqarmasi tomonidan qo‘lga olingan.

***

Xalq bankining Farg‘onadagi bo‘limidan 100 ming dollar yo‘qoldi.

Hozirda viloyat Ichki ishlar boshqarmasi va prokuratura xodimlaridan iborat maxsus tergov guruhi tuzilib, voqea joyida tezkor surishtiruv harakatlari olib borilmoqda.

***

“O‘zbekkonsert” davlat muassasasi direktori Odiljon Abduqahhorov 2019-yildan boshlab barcha yakkaxon konsert dasturlari 30% jonli ijroda bo‘lishini ma’lum qildi.

“Bosqichma-bosqich 100% jonli ijroga o‘tamiz. Kim bo‘lishidan qat’i nazar, estada xonandasi Shahzoda bo‘ladimi, Rayhon bo‘ladimi farqi yo‘q, kim bo‘lishidan qat’i nazar shunday majburiy talab qo‘yiladi”, — dedi u.

***

Toshkentlik qiz rashk sababli sevgilisini o‘ldirib qo‘ydi.

Ma’lum bo‘lishicha, Dilfuza Furqatning vafosini sinovdan o‘tkazmoqchi bo‘lib, dugonasi Madinadan yordam so‘ragan.

Madina yigit bilan munosabatga kirishib, unga turli suratlar yubora boshlagan hamda jinsiy aloqaga kirishishni taklif qilgan.