Тошкент логотипи, Юнусободда бўғиб ўлдирилган қиз, Фарғонадаги Халқ банкидан йўқолган 100 минг доллар ва куннинг бошқа муҳим хабарлари

8 февралнинг эътиборга молик янгиликлари — «Дарё» дайжестида.

Тошкент логотипини яратиш бўйича танлов ғолиби аниқланди. Ғолибликка MA’NO Branding агентлиги сазовор бўлди.

Асосий белги — Тошкентнинг очиқ олтин дарвозаси ва Т ҳарфи ичига тушадиган мусаффо осмон бўлиб, поклик, фаровонлик ва хотиржамлик тимсолидир.

***

Тошкентда 15 ёшли қиз ўз уйи подъездида бўғиб ўлдирилди.

Гумонланувчи — қизнинг ўгай акаси. Улар жанжаллашиб қолган. Йигит Тошкент шаҳар ИИББ жиноят қидирув бошқармаси томонидан қўлга олинган.

***

Халқ банкининг Фарғонадаги бўлимидан 100 минг доллар йўқолди.

Ҳозирда вилоят Ички ишлар бошқармаси ва прокуратура ходимларидан иборат махсус тергов гуруҳи тузилиб, воқеа жойида тезкор суриштирув ҳаракатлари олиб борилмоқда.

***

«Ўзбекконцерт» давлат муассасаси директори Одилжон Абдуқаҳҳоров 2019 йилдан бошлаб барча яккахон концерт дастурлари 30% жонли ижрода бўлишини маълум қилди.

«Босқичма-босқич 100% жонли ижрога ўтамиз. Ким бўлишидан қатъи назар, эстада хонандаси Шаҳзода бўладими, Райҳон бўладими фарқи йўқ, ким бўлишидан қатъи назар шундай мажбурий талаб қўйилади», — деди у.

***

Тошкентлик қиз рашк сабабли севгилисини ўлдириб қўйди.

Маълум бўлишича, Дилфуза Фурқатнинг вафосини синовдан ўтказмоқчи бўлиб, дугонаси Мадинадан ёрдам сўраган.

Мадина йигит билан муносабатга киришиб, унга турли суратлар юбора бошлаган ҳамда жинсий алоқага киришишни таклиф қилган.