Mudofaa vazirligi qo‘shinlarining barcha harbiy okruglar dala-o‘quv maydonlarida tarbiyaviy va mafkuraviy ishlar organi ofitserlari bilan 5 kun davomida o‘quv-uslubiy yig‘in mashg‘ulotlari o‘tkazildi. Bu haqda vazirlik matbuot xizmati “Daryo”ga ma’lum qildi.
Xususan, “Chirchiq” poligonida Toshkent harbiy okrugiga qarashli harbiy qism va muassasalarning tarbiyaviy va mafkuraviy ishlar bo‘limi boshliqlari, batalon hamda vzvod komandirlari o‘rinbosarlari bilan bilim va kasbiy malakasini yanada oshirishga qaratilgan mashg‘ulotlar tashkil etildi. Unda qo‘shinlarda sog‘lom ma’naviy-axloqiy muhitni qaror toptirish, tarbiyaviy ishlar samaradorligini va ta’sirchanligini oshirish, shuningdek, ichki va tashqi tahdidlarga qarshi kurashishda soha mutaxassislari hamda dinshunos olimlarning ma’ruzalari tinglandi.
Bundan tashqari, organ ofitserlari tomonidan kunduzgi va tungi otish, maxsus taktik, jismoniy tayyorgarlik mashg‘ulotlardan amalda bilim va ko‘nikmalari sinovdan o‘tdi.
Izoh (0)