“Discover invest” korxonasi, 2019-yilning 7-fevralida internet saytlarida berilgan maqolada va unga ilova qilingan video tasvirlangan qurilish obyektida korxonamiz tomonidan qurilish ishlari olib borilmayotganligini hamda ushbu obyektda “Discover invest” korxonasining ishchilari faoliyat yuritmayotganligini ma’lum qiladi.
E’lon qilingan mazkur maqolani Xalqaro jurnalistika professional etika tamoyillarini qo‘pol ravishda buzgan holda vaziyatga aniq dalillarga asoslanmagan holda tayyorlanganligi, shuningdek, ushbu maqola muallifining o‘z saytida berib borayotgan shu mavzudagi ketma-ket maqolalarni “Discover invest” korxonasiga nisbatan tuhmat va haqorat deb hisoblaymiz.
Ta’kidlashimiz lozimki, Toshkent shahrida olib borilayotgan barcha qurilish maydonini “Discover invest” korxonasining obyekti” deb hisoblash mantiqiy va qonuniy jihatdan noo‘rin va noqonuniy deb baholaymiz.
“Discover invest” korxonasi qurilish obyektlarini hamda ularda mehnat qiluvchi ishchi-xodimlar uchun yaratilgan shart-sharoitlar bilan tanishishni istovchilar tomonidan qonunchilikda belgilangan tartibda murojaat etilganda, ular qurilish obyektlari bilan tanishtirilishi mumkinligini ma’lum qiladi.
Reklama huquqi asosida.
Izoh (0)