Janubiy Afrikaning Vitvatersrand universiteti arxeologlari ko‘p yillar davomida Suykerbosrand qo‘riqxonasi hududidagi harobalar ostida tadqiqot olib borgan, deya xabar beradi National Geographic.
Qadimiy inshootni butunligicha lidar qurilmasi (Light Identification Detection and Ranging: “aniqlash, identifikatsiyalash va uzoqlikni yorug‘lik yordamida aniqlash) yordamida ko‘rishning imkoni bo‘ldi.
Uskunaning ishlash prinsipi radar ishini eslatadi, ammo unda radioto‘lqinlar o‘rniga yorug‘lik nurlari yuboriladi. Ularing aksi yordamida ko‘zga ko‘rinmaydigan obyektlarni ko‘rish mumkin. Lidar arxeologiyada nisbatan ancha oldin qo‘llanila boshlagan va allaqachon Gvatemalada kashfiyotlar qilishga yordam berishga ulgurgan: mashhur arxeologik joyning yeri ostidan 60 mingdan ortiq qadimiy qurilmalar saqlanib qolgan.
Janubiy Afrikada zamonaviy bog‘ hududida XV asrda Kveneg shahri joylashgan, unda chamasi 20 kvadrat kilometrlik joyda 850 ta uy bo‘lgan. Markazda qoramollar saqlash uchun katta to‘siqlar barpo etilgan bo‘lib, hayvonlarni shahar ichidan olib o‘tishga mo‘ljallangan parallel tosh devorlar ham bo‘lgan.
https://twitter.com/Reuters/status/1090279582907936775
Izoh (0)