Oliy Majlis Senati raisining birinchi o‘rinbosari Sodiq Safoyev O‘zbekiston hukumatidagi o‘zgarish va yangilanishlarga o‘z munosabatini bildirdi. Bu haqda “Podrobno.uz” xabar bermoqda.
“Bu rahbariyatning xorijiy investitsiyalar jalb etish samaradorligini oshirish, mazkur jarayonga yangi impuls berishga intilishini ko‘rsatadi. O‘ylashimcha, hukumat tizimini qayta tashkillash, maqbullashtirish ishlari davom etishiga guvoh bo‘lamiz”, — ta’kidladi Safoyev ShHT Xalq diplomatiyasi markazi faoliyati boshlanishiga bag‘ishlangan brifing davomida.
Senat raisining birinchi o‘rinbosariga ko‘ra, ushbu o‘zgarishlar O‘zbekistonda boshqaruv tizimini modernizatsiya qilish ko‘zda tutilgan ma’muriy boshqaruvni takomillashtish konsepsiyasi doirasida amalga oshirilmoqda. Ular birinchi galda bugungi kun uchun dolzarb bo‘lgan soha — tashqi iqtisodiy aloqalarni kengaytirish va xorijiy investitsiyalarni jalb etishga qaratilgan.
Izoh (0)