30-yanvar kuni O‘zbekiston Tashqi ishlar vaziri Abdulaziz Komilov Turkiya elchisi etib tayinlangan Mehmet Sureyya Erni qabul qildi. Bu haqda TIV matbuot xizmati xabar berdi.
Uchrashuv davomida yangi elchi Abdulaziz Komilovga ishonch yorliqlari nusxasini topshirdi.
Suhbat davomida ko‘p qirrali ikki tomonlama hamkorlikning dolzarb masalalari muhokama qilindi, boshlangan yildagi qo‘shma tadbirlar rejasi va kun tartibi yuzasidan fikr almashildi.
Shuningdek, 2019-yilda O‘zbekiston—Turkiya siyosiy muloqotining asosiy voqeasiga tayyorgarlik ko‘rish bo‘yicha takliflar ko‘rib chiqildi.
Izoh (0)