28-yanvar kuni Toshkent shahrining Yashnobod tumanida yashovchi O.Tillaboyeva IIBga murojaat qildi, deb xabar berdi IIV Jamoatchilik va ommaviy axborot vositalari bilan aloqalar boshqarmasi.
Fuqaro o‘z murojaatida shu yil 15-yanvar kuni soat 12:30 larda birga yashovchi 26 yoshli o‘g‘li Davronbek Sherboyev boshqaruvidagi davlat raqami 40 U 041 KA bo‘lgan Nexia avtomashinasida uyidan noma’lum tomonga chiqib ketib, bedarak yo‘qolganligini ma’lum qilgan.
D.Sherboyevni qidirib topish choralari ko‘rilgan. Surishtiruv ishlari olib borilmoqda.
“Hurmatli fuqarolar, agar orangizda kimda-kim ushbu shaxs va avtomashina haqida biron-bir ma’lumotga ega bo‘lsa, ichki ishlar organlarining hududiy bo‘linmalariga borib yoki “102” telefon raqamiga qo‘ng‘iroq qilib, xabar berishingizni so‘raymiz”, — deyiladi IIV xabarida.
Izoh (0)