Adliya vazirligi Axborot xizmati 2018-yil O‘zbekiston ko‘chmas mulk bozorida sotilgan uy-joylar haqida ma’lumot berdi.
Ko‘chmas mulkni boshqa shaxsga o‘tkazish bilan bog‘liq bitimlar soni 2017-yilda 165 587 tani tashkil etgan bo‘lsa, o‘tgan yili bu ko‘rsatkich 203 525 taga yetdi.
Shundan, uy-joy oldi-sotdi shartnomalari 148 640 ta (2017-yilda 119 871 ta). Uy-joy oldi-sotdi shartnomalari eng ko‘p amalga oshirilgan hudud Toshkent shahri bo‘lsa, eng kam uy-joy oldi-sotdisi Sirdaryo va Xorazm viloyatlariga to‘g‘ri keladi.
Ko‘chmas mulk bitimlarining eng qimmat narxi Toshkent shahrida qayd etilgan bo‘lib, Chilonzor tumanida ofis, maishiy xizmat ko‘rsatish va yashash uchun mo‘ljallangan jamlanma kompleks taraflar o‘rtasida 9 mlrd so‘mdan ortiq bahoga narxlanib oldi-sotdi qilingan.
Izoh (0)