Тошкентда Nexia’да чиқиб кетиб, бедарак йўқолган 26 ёшли йигит қидирилмоқда
28 январь куни Тошкент шаҳрининг Яшнобод туманида яшовчи О.Тиллабоева ИИБга мурожаат қилди, деб хабар берди ИИВ Жамоатчилик ва оммавий ахборот воситалари билан алоқалар бошқармаси.
Фуқаро ўз мурожаатида шу йил 15 январь куни соат 12:30 ларда бирга яшовчи 26 ёшли ўғли Давронбек Шербоев бошқарувидаги давлат рақами 40 У 041 КА бўлган Nexia автомашинасида уйидан номаълум томонга чиқиб кетиб, бедарак йўқолганлигини маълум қилган.
Д.Шербоевни қидириб топиш чоралари кўрилган. Суриштирув ишлари олиб борилмоқда.
«Ҳурматли фуқаролар, агар орангизда кимда-ким ушбу шахс ва автомашина ҳақида бирон-бир маълумотга эга бўлса, ички ишлар органларининг ҳудудий бўлинмаларига бориб ёки «102» телефон рақамига қўнғироқ қилиб, хабар беришингизни сўраймиз», — дейилади ИИВ хабарида.
