Yaponiya bilan Rossiya o‘rtasidagi tinchlik shartnomasini tuzish masalasi bir necha muzokaralardan so‘ng darhol hal bo‘ladigan muammo emas, deya xabar beradi “TASS”.
“Bu bir necha muzokaralardan so‘ng darhol hal qilinishi mumkin bo‘lgan oddiy muammo emas”, —deydi Yaponiya vazirlar mahkamasi Bosh kotibi Yosixide Suga, Rossiya Federatsiyasi bilan tinchlik kelishuvi biroz vaqt talab qilishiga sha’ma qilib.
Suga 22-yanvar kuni Moskvada Bosh vazir Sindzo Abe va Vladimir Putin o‘rtasida bo‘lib o‘tgan uchrashuvga izoh berar ekan, davlat rahbarlari ikki tomonlama munosabatlarning turli sohalarida konstruktiv muzokaralar olib borish imkoniyatini qo‘lga kiritganini qayd etdi. “Biz ushbu uchrashuv 2019-yilda Yaponiya—Rossiya munosabatlari uchun ajoyib start deb hisoblaymiz”, — deya qayd etdi u.Rossiya Prezidenti Vladimir Putin va Yaponiya Bosh vaziri Sindzo Abe 22-yanvar kuni Moskvada yig‘ilish o‘tkazgan.
Hisob bo‘yicha 25-uchrashuv ikki davlat rahbarlarining o‘zaro manfaatli munosabatlar o‘rnatish va rivojlantirish istagini yana bir bor tasdiqladi.
Ishbilarmonlik va konstruktiv ruhda o‘tgan uch soatlik muzokaralar jarayonida an’anaviy tarzda savdo-sotiq va investitsion aloqalarni kengaytirishning istiqbollariga e’tibor qaratilgan. Asosiy e’tibor esa Rossiya va Yaponiya o‘rtasidagi tinchlik shartnomasini tuzish istiqbollariga qaratilgan.
Rossiya rahbari Moskvaning 1956-yilda imzolangan sovet-yapon deklaratsiyasi asosida muzokaralar olib borish istagini tasdiqlagan.
Izoh (0)