Япония билан Россия ўртасидаги тинчлик шартномасини тузиш масаласи бир неча музокаралардан сўнг дарҳол ҳал бўладиган муаммо эмас, дея хабар беради «ТАСС».
«Бу бир неча музокаралардан сўнг дарҳол ҳал қилиниши мумкин бўлган оддий муаммо эмас», —дейди Япония вазирлар маҳкамаси Бош котиби Ёсихидэ Суга, Россия Федерацияси билан тинчлик келишуви бироз вақт талаб қилишига шаъма қилиб.
Суга 22 январь куни Москвада Бош вазир Синдзо Абэ ва Владимир Путин ўртасида бўлиб ўтган учрашувга изоҳ берар экан, давлат раҳбарлари икки томонлама муносабатларнинг турли соҳаларида конструктив музокаралар олиб бориш имкониятини қўлга киритганини қайд этди. «Биз ушбу учрашув 2019 йилда Япония—Россия муносабатлари учун ажойиб старт деб ҳисоблаймиз», — дея қайд этди у.Россия Президенти Владимир Путин ва Япония Бош вазири Синдзо Абэ 22 январь куни Москвада йиғилиш ўтказган.
Ҳисоб бўйича 25-учрашув икки давлат раҳбарларининг ўзаро манфаатли муносабатлар ўрнатиш ва ривожлантириш истагини яна бир бор тасдиқлади.
Ишбилармонлик ва конструктив руҳда ўтган уч соатлик музокаралар жараёнида анъанавий тарзда савдо-сотиқ ва инвестицион алоқаларни кенгайтиришнинг истиқболларига эътибор қаратилган. Асосий эътибор эса Россия ва Япония ўртасидаги тинчлик шартномасини тузиш истиқболларига қаратилган.
Россия раҳбари Москванинг 1956 йилда имзоланган совет-япон декларацияси асосида музокаралар олиб бориш истагини тасдиқлаган.
Изоҳ (0)