Rossiya va Turkiya o‘rtasidagi muzokaralar natijalari bo‘yicha ikki mamlakat mintaqada va Idlib bo‘yicha terrorchilarni yo‘q qilish uchun kelishuvlarni amalga oshirishda birgalikda davom etadi, deb yozadi “Kommersant”.
“Terrorchilar qayerda bo‘lmasin, xususan Idlib hududida ham ularga birgalikda qarshi kurashishda davom etishimiz kerak”, — deydi Putin.
Rossiya Prezidentining so‘zlariga ko‘ra, ikki mamlakat mudofaa vazirlari ushbu masala bo‘yicha qo‘shimcha maslahatlashuv o‘tkazgan hamda “qo‘shma choralar” ko‘rish ustida ish olib boradi.
O‘z navbatida, Prezident Rajab Toyyib Erdo‘g‘on, Rossiya va Turkiyaning Suriyadagi hamkorligi ushbu mamlakatda barqarorlikka erishishning asosiy omili bo‘lganini qayd etgan.
Shuningdek u, Anqaraning Suriyada bufer zonasi masalasi bo‘yicha Moskva bilan hech qanday muammosi yo‘qligini ta’kidlagan. “Bizga tahdid solayotgan hududlar biz uchun muhim ahamiyatga ega.
Va biz shunga munosib zarur choralarni ko‘rishimiz lozim. Amerikaliklar bilan bo‘lgan aloqalarimizda biz talablarimiz bo‘yicha ijobiy yondashuv borligini ko‘ryapmiz”, — deydi Turkiya prezidenti.
Tomonlar S-400 samolyotga qarshi raketa tizimlarini yetkazib berish masalasini muhokama qilgan.
Avvalroq, Turkiyada komplekslarni o‘rnatish 2019-yilning oktabrida boshlanishi xabar berilgandi.
Izoh (0)