Malayziyaning yangi qiroli etib Paxang shtati hukmdori sulton Abdulla Sulton Ahmad Shoh saylandi, deya xabar beradi “Interfakx”.
Rasman podsho o‘z taxtini 31-yanvar kuni egallaydi. Malayziya qiroli besh yilga saylanadi.Abdulla Sulton Ahmad Shoh ayrim xalqaro sport tashkilotlarida asosiy shaxslardan, xususan FIFA kengashi a’zosi sanaladi.
Qirol nomzodiga ovoz berish 13 ta mamlakat shtatlari rahbarlaridan tarkib topgan Malayziya hokimlari konferensiyasida o‘tdi. Ovoz berish huquqi konferensiyaning to‘qqiz nafar ishtirokchisida bo‘lib, aynan ularning o‘zi qirol bo‘lib saylanishi mumkin.
Bo‘lg‘usi qirol 1957-yilda tuzilgan shtatlarning ro‘yxati asosida saylanadi.Qirolikka nomzod lavozimiga tayinlanish uchun beshta ovoz yig‘ishi lozim. Agar nomzod yetarli ovoz to‘play olmasa, konferensiya ishtirokchilari ro‘yxat bo‘yicha keyingi nomzodga ovoz beradi. Paxang sultonining yetarli ovoz to‘plashi dargumon edi, sababi u shtat rahbarligiga 15-yanvar kuni tayinlangan.
Izoh (0)