Россия ва Туркия ўртасидаги музокаралар натижалари бўйича икки мамлакат минтақада ва Идлиб бўйича террорчиларни йўқ қилиш учун келишувларни амалга оширишда биргаликда давом этади, деб ёзади «Коммерсантъ».
«Террорчилар қаерда бўлмасин, хусусан Идлиб ҳудудида ҳам уларга биргаликда қарши курашишда давом этишимиз керак», — дейди Путин.
Россия Президентининг сўзларига кўра, икки мамлакат мудофаа вазирлари ушбу масала бўйича қўшимча маслаҳатлашув ўтказган ҳамда «қўшма чоралар» кўриш устида иш олиб боради.
Ўз навбатида, Президент Ражаб Тоййиб Эрдўғон, Россия ва Туркиянинг Суриядаги ҳамкорлиги ушбу мамлакатда барқарорликка эришишнинг асосий омили бўлганини қайд этган.
Шунингдек у, Анқаранинг Сурияда буфер зонаси масаласи бўйича Москва билан ҳеч қандай муаммоси йўқлигини таъкидлаган. «Бизга таҳдид солаётган ҳудудлар биз учун муҳим аҳамиятга эга.
Ва биз шунга муносиб зарур чораларни кўришимиз лозим. Америкаликлар билан бўлган алоқаларимизда биз талабларимиз бўйича ижобий ёндашув борлигини кўряпмиз», — дейди Туркия президенти.
Томонлар С-400 самолётга қарши ракета тизимларини етказиб бериш масаласини муҳокама қилган.
Аввалроқ, Туркияда комплексларни ўрнатиш 2019 йилнинг октябрида бошланиши хабар берилганди.
Изоҳ (0)