Kiyevning Oboloniya tuman sudi Ukrainaning sobiq prezidenti Viktor Yanukovichni davlatga xiyonat ishida aybdor deb topdi, deya xabar beradi “Meduza”.
Sud hukmida Yanukovichning aybi to‘liq isbotlanganligi aytilgan. Yanukovichga qo‘llanilgan jazo hali e’lon qilinmagan.
Ayblov tomoni Yanukovichga 15 yil qamoq jazosi so‘ragan. Sobiq prezident ayni damda Rossiyada bo‘lganligi sababli hukm sirtdan chiqarilgan. U mazkur ishni siyosiy uyushtirilgan deb, sud ishida biror marta ham ishtirok etmagan.
Viktor Yanukovich 2014-yilda hukumat o‘zgarganidan so‘ng Rossiyaga qochib ketgan. U Moskvadan Ukrainaga harbiylarni olib kirishni so‘raganlikda ayblangan, bu esa o‘z navbatida Qrimni Rossiyaga qo‘shilishiga olib kelgan.
Izoh (0)