Yarim asr oldin gadjetlar noqulay, shovqinli va qo‘pol edi. Hozir esa ular ancha o‘zgargan, deya yozadi “Hi-tech.mail.ru”.
Birinchi noutbuk
Osborne 1 modeli 1981-yilda yaratilgan. Qurilma 11 kilogramm edi. Mana shu og‘irlik uni ko‘chma kompyuterga aylantirgan. Klaviatura o‘rnatilgan qopqog‘ini ko‘tarib, yopiq qo‘yilsa, chamadonga o‘xshab qolardi.Kichik monoxromli ekran, 4 MGts protsessor, 64 Kb operativ xotira, batareya yo‘q ... tashqi ko‘rinishi va ichki tuzilmasi hozirgi noutbuklardan ancha boshqacha edi. Biroq, o‘sha payt uchun u kichik kompyuter edi. Gadjet qimmat bo‘lishiga qaramay (hozirgi pulga taxminan 5000 dollarni tashkil etadi) yaxshi sotilgan.
Pleyer
Hozir u smartfon funksiyalaridan biri. Hajmi gugurt qutisidek. Audio fayllarni o‘qiydigan bu kichik ko‘chma qurilma 1972-yilda Pavel Andreas o‘zining Stereobelt’i uchun patent olganda muomalaga kirgan.Birinchi Walkman kasseta pleyeri Sony kompaniyasi tomonidan deyarli qirq yil oldin, 1979-yilda chiqarilgan. Buni muhim kashfiyot desa bo‘ladi: chunki bundan oldin faqat portfel yoki kichik chamadon hajmidagi ko‘chma magnitafon bor edi.
O‘yin konsoli
PlayStation va X-box uzoq vaqt davomida o‘z muxlislarini quvontirgan, lekin 70-yillarning boshlarida o‘yin konsollarining bobosi — Magnavox Odyssey paydo bo‘ldi. Nuqtalar va oddiy grafikalardan iborat bo‘lgan zerikarli o‘yinlar mashhurlikka erisha olmagan.
Video aloqali telefon
Video qo‘ng‘iroqlar hozir oddiy holga aylanib ulgurdi. Agar keksa ayol nevarasiga qishloqdan juda oddiy arzon smartfondan qo‘ng‘iroq qilib, u kelishi uchun qanday pishiriqlarni tayyorlaganini ko‘rsatishi hech kimni ajablantirmaydi. 1964-yilda esa videoqo‘ng‘iroqni amalga oshiradigan qurilma juda ham beso‘naqay edi.AT & T Picturephone modelidagi statsionar telefon ko‘chma televizorga (o‘sha vaqtdagi) ulanardi. Lekin u payt bunday texnika juda kam topilar edi. Ishlab chiqarish qiyin va narxi qimmat bo‘lgani uchun u ommabop bo‘lmagan.
Changyutgich
Zamonaviy changyutgichlar juda ixcham. Yuvsa bo‘ladigan, avtonom changyutgich. Yigirmanchi asrning o‘rtalarida vaziyat boshqacha edi. “Buran” - afsonaviy sovet changyutgichi 1957-yildan buyon ishlab chiqarilgan. U o‘z nomini oqlagan: ishonchli, og‘ir, raketa kabi shovqin chiqargan.O‘sha yillardagi changyutgichlar uncha-munchaga buzilmas edi. Dizayni ham o‘ziga xos bo‘lgani uchun uni bo‘yoqlarga suvpurkagich sifatida ishlatish mumkin edi.
Mobil telefon
Sovet muhandisi Kupriyanovichning 1957-yildagi namunasi taxminan 3 kilogrammni tashkil etgan. Keyingi prototiplari yanada ixchamlangan bo‘lsa-da, kontseptsiya omma tomonidan qabul qilinmagan. Biroq, bu g‘oya yo‘qolib ketmagan. 1973-yilda Motorola muhandislari 1,2 kilogramm bo‘lgan DynaTAC’ni ishlab chiqqan.1984-yilda birinchi seriyali mobil telefon sotildi. O‘shandan beri odamlar ularni qo‘ldan qo‘ymaydi. 80-yillarning mobil telefonlari faqat yarim soat suhbat uchun yarar edi. Kiruvchi qo‘ng‘iroqni esa 6 soat kutish kerak edi. Zamonaviy smartfonlar egalari o‘sha yillarning muammolarini tushunadi.
Televizor
Sony’ning eng mashhur modeli — Trinitron 1968-yildan boshlab ishlab chiqarilgan. U tasvirni boshqalarga qaraganda sifatliroq ko‘rsatadigan to‘liq rangli televizor edi. Tekis ekranlar va fotosurat ramkalarining qalinligidek keladigan televizorlar hali mavjud bo‘lmagan davr uchun bu juda katta yutuq edi. Uning kineskopi sferaning emas, balki silindrning bir qismi edi.
Idish yuvadigan mashina
Zamonaviy idish yuvadigan mashinalar endi faqatgina boy odamlar sotib oladigan narsa emas: oddiy oilalar ham endi ularni sotib olishi mumkin. Ajablanarlisi shundaki, 50-yillardayoq Colston kompaniyasi ko‘p joy egallamaydigan elektr idish yuvgichni yaratgan.
Izoh (0)