Huawei kompaniyasi Nova 4 smartfonini taqdim etdi. Uning asosiy o‘ziga xosligi displeyning burchagiga o‘yiqning joylashtirilgani hisoblanadi. O‘yiqqa 25 megapikselli selfi kamera o‘rnatilgan. Bu haqda TJournal xabar berdi.
Nova 4 smartfoni 6,4 dyuymli ekran, sakkiz gigabaytli tezkor xotira, 128 gigabaytli doimiy xotira bilan jihozlangan. Bundan tashqari, qurilma orqa tomonda joylashgan barmoq izini oluvchi skanerga, 3750 milliamper/soat sig‘imli batareyaga va 18 vattli tez quvvatlash qurilmasiga ega.
Smartfonning orqa tomoniga 48 megapikselli uchta kamera joylashgan. Nova 4 Kirin 970 protsessorida ishlaydi.
Smartfonning oddiy modeli 450 dollar, top modeli esa 490 dollar turadi.
Izoh (0)