Checheniston rasmiylari “Grozniy” teleradiokompaniyasi va mahalliy gazetalarda ijtimoiy tarmoqlardagi noto‘g‘ri ma’lumot uchun kechirim so‘raladigan maxsus ko‘rsatuv va ruknlar tashkil etish masalasini ko‘rib chiqmoqda. Bu haqda respublikaning milliy siyosat bo‘yicha vaziri Jambulat Umarov ma’lum qildi, deya xabar beradi Meduza.
“Ijtimoiy tarmoqlar bilan hisoblashishga to‘g‘ri kelishi — bu fakt. Biroq bu yerda ayollar, bemorlarga nisbatan qo‘pol hazillar bildirilsa, aholi o‘rtasida vahima tarqatilsa, bunga qanday xotirjam munosabatda bo‘lish mumkin? Yolg‘on ma’lumot tufayli turli millat va dinga mansub bir-birini kaltaklash, qonini to‘kishga borishi mumkin. Biz uni tarqatgan kimsani qayerdan qidiramiz? U o‘zining nikini almashtirgan va bemalol boshqa feyk xabarlarni tarqatayotgan bo‘ladi”, — ta’kidlagan Umarov.
Chechenistonlik mansabdor Rossiya madaniyat vaziri Vladimir Medinskiyning tarmoq foydalanuvchilarini “pasportlashtirish” lozimligi haqidagi fikrlariga qo‘shilishini bildirgan.
Izoh (0)