AQSh Rossiya raketalarini yo‘q qilishni talab qildi

Vashington Rossiya bilan O‘rta va yaqin uzoqlikdagi raketalarni yo‘q qilish bo‘yicha shartnoma atrofidagi vaziyat yuzasidan bo‘lib o‘tgan muzokaralardan ko‘ngli to‘lmadi. Bu haqda AQSh davlat kotibining o‘rinbosari Andrea Tompson ma’lum qildi.

Uning so‘zlariga ko‘ra, uchrashuv qoniqarsiz bo‘lgan, chunki Moskva shartnomani buzishda davom etmoqda va unga to‘liq rioya qilishga qanday qaytishini tushuntirmagan. Diplomatning so‘zlariga ko‘ra, Rossiya shartnomani buzuvchi raketa tizimlarini yo‘q qilishi kerak.

Rossiya tashqi ishlar vaziri o‘rinbosari Sergey Ryabkovning ma’lum qilishicha, AQShning Rossiyaga qo‘yayotgan talablari aniq emas va natijada yondashuvlarga yaqinlashishga imkon bermaydi.

Rossiyalik diplomatning qayd etishicha, Moskva teng huquqlilik asosidagi muloqotga tayyor, biroq Vashington Rossiya tomonining takliflarini konstruktiv qabul qilishni xohlamayapti.