Вашингтон Россия билан Ўрта ва яқин узоқликдаги ракеталарни йўқ қилиш бўйича шартнома атрофидаги вазият юзасидан бўлиб ўтган музокаралардан кўнгли тўлмади. Бу ҳақда АҚШ давлат котибининг ўринбосари Андреа Томпсон маълум қилди.
Унинг сўзларига кўра, учрашув қониқарсиз бўлган, чунки Москва шартномани бузишда давом этмоқда ва унга тўлиқ риоя қилишга қандай қайтишини тушунтирмаган. Дипломатнинг сўзларига кўра, Россия шартномани бузувчи ракета тизимларини йўқ қилиши керак.
Россия ташқи ишлар вазири ўринбосари Сергей Рябковнинг маълум қилишича, АҚШнинг Россияга қўяётган талаблари аниқ эмас ва натижада ёндашувларга яқинлашишга имкон бермайди.
Россиялик дипломатнинг қайд этишича, Москва тенг ҳуқуқлилик асосидаги мулоқотга тайёр, бироқ Вашингтон Россия томонининг таклифларини конструктив қабул қилишни хоҳламаяпти.
Изоҳ (0)