15-yanvarning e’tiborga molik yangiliklari — “Daryo” dayjestida.
Yunusobod tumani 15-mavzedagi 72 xonadon yashaydigan uy kun sayin cho‘kib bormoqda.
“Yil sayin cho‘kayotgan uyning chekka tomoni ikki tarafga ajralib qolgan. Xonadonda isitish batareyalari bo‘lgani bilan isimaydi. Kuz-qish mavsumida xonadonlar sovuq bo‘lib ketadi. Gaz yoqib isinishga majburmiz. Isitish moslamasiz xonadonda o‘tirib bo‘lmaydi. Nazarimda biror falokat yuz bermaguncha hech kim bu muammoga e’tibor bermaydigandek”, — deb yozadi Sevara Xudoyberdiyeva.
***
Karimov fondi: Birinchi Prezident saqlab qolgan harbiy aviatsiya O‘zbekistonni ochlikdan qutqargandi.
Prezident Karimov 1992-yil 7-fevral kuni Mudofaa vazirligi tasarrufidagi barcha ko‘char hamda ko‘chmas mulklar xususiylashtirish va davlat tasarrufidan chiqarish jarayoniga jalb etilmasligi to‘g‘risida buyruq berdi. Ayni shu farmon bilan O‘zbekiston Respublikasi hududidan qurol-aslaha, texnika va asbob-uskunalarni olib chiqib ketish ham taqiqlandi.
Iqtisodiyot inqiroz yoqasiga kelib qolgan, yosh davlat murakkab tarixiy davrni boshdan kechirar edi. Mustaqillik e’lon qilinganidan ko‘p o‘tmay Prezident Karimovga mamlakatda atigi 7-10 kunga yetadigan don-dun qolgani va ocharchilik havfi kelib chiqishi mumkunligi borasida ma’lum qilinadi. Islom Karimov donni shoshilinch ravishda boshqa mamlakatlardan keltirish borasida buyruk beradi. Masala dolzarb ekani va uni juda tez muddatda hal etish lozim bo‘lgani sabab, birinchi bosqichda bu vazifa Karimovning qat’iy sa’y-harakatlari tufayli saqlab qolingan harbiy-transport aviatsiyasi samolyotlari tomonidan muvaffaqiyatli bajariladi. Keyinroq esa mamlakatga temiryo‘l transporti orqali barqaror tarzda oziq-ovqat keltirish yo‘lga qo‘yiladi.
***
O‘zbekistonda Ka’baning yopinchig‘idan parcha bor.
Samarqand muzey-qo‘riqxonasining fondida uzoq yillardan beri saqlanadigan eksponat – qabr po‘sh e’tibordan chetda qolayotgandek.
Fondga qabul qilinadigan buyumlar qayd etilgan kitobda “Qabr po‘sh – Ka’ba ustiga yopilgan, arab yozuvlari tushirilgan qora matoning parchasi” deyilgan.
Inventar qaydlar kitobida ham u Saudiya Arabistoni, Makkadan keltirilgani yozilgan. Ushbu mahsulotni 1933-yil 13-avgustda ekspeditsiya o‘tkazayotgan Samarqand muzeyi ilmiy xodimlari G.P. Snesaryev va M.S. Yusupov Buxoro shahridagi temir yo‘l stantsiyasida fuqaro F. Shukurboyevadan 30 rublga sotib olishgan.
***
Suriyalik kurdlar qo‘lga olingan IShID jangarilarini O‘zbekistonga topshirishga tayyor.
SDF (Kurdlar tomonidan shakllangan “Suriya Demokratik Kuchlar”) asirligida 40 ga yaqin mamlakatlardan Suriyaga kelgan mingdan ortiq IShID jangarilari saqlanmoqda. Bundan tashqari ular bilan birga kelgan ayollar, oilalari ham bor. Ular orasida MDX mamlakatlari fuqarolari, xususan, O‘zbekiston va Tojikiston fuqarolari ham bor.
***
Instagram᾽da tuxum surati bir necha kun ichida 25 milliondan ziyod layk to‘plab, yangi rekord o‘rnatdi.
Shu kunga qadar amerikalik model Kayli Jenner qizalog‘i Stormi bilan tushgan surati Instagram olamidagi eng mashhur surat hisoblanardi. Ushbu surat 18 milliondan ziyod layk to‘plashga muvaffaq bo‘lgan.
Izoh (0)