Adliya vazirining tegishli buyrug‘iga asosan, Andijon, Sirdaryo, Jizzax viloyatlari adliya boshqarmalariga boshliqlar tayinlandi, deb xabar beradi O‘zA.
Abdumutalib Dadajonov – Andijon viloyat adliya boshqarmasi boshlig‘i lavozimiga tayinlandi. Hozirgi kunga qadar Adliya vazirligi Tashkiliy-nazorat va tahlil boshqarmasining boshlig‘i lavozimida faoliyat yuritgan.
Jamshidxon Nuritdinov – Sirdaryo viloyat adliya boshqarmasi boshlig‘i lavozimiga tayinlandi. Shu kunga qadar Toshkent viloyat adliya boshqarmasi boshlig‘ining birinchi o‘rinbosari lavozimida ishlagan.
Shakir Saidov — Jizzax viloyat adliya boshqarmasi boshlig‘i lavozimiga tayinlandi. Shu kungacha Sirdaryo viloyat adliya boshqarmasi boshlig‘i lavozimida ishlagan.
Izoh (0)