O‘zbekiston budjet tashkilotlarida 2018-yilning to‘rtinchi choragida 29 milliard so‘m miqdordagi pul o‘g‘irlangan va noqonuniy sarf qilib yuborilgan, bu haqda “Podrobno” nashri xabar berdi.
“2018-yilning so‘nggi choragida budjet tashkilotlarida 1969 marta nazorat tadbirlari o‘tkazilgan. Shundan 1717 holatda moliyaviy intizom buzilish holatlari aniqlangan, shundan 6 milliard so‘mi kamomad tarzida aniqlangan, 23 milliard so‘m esa noqonuniy sarf qilib yuborilgan”, — deyiladi Davlat moliya nazorati ma’lumotida.
Shu bilan birga nazorat organlari qonunbuzarlardan 18,5 milliard so‘mni undirishga erishgan, 871 nazorat tadbirlari materiallari qonunda belgilangan tarzda chora ko‘rish uchun huquq-tartibot organlariga topshirilgan.
Bundan tashqari, 91 nafar rahbar va tashkilot mansabdor shaxslari intizom buzilishi uchun 59,8 milliona so‘m miqdorida ma’muriy javobgarlikka tortilgan.
Izoh (0)