Ўзбекистон бюджет ташкилотларида уч ойда 29 млрд сўм қонунга хилоф тарзда сарф қилинган

Ўзбекистон бюджет ташкилотларида 2018 йилнинг тўртинчи чорагида 29 миллиард сўм миқдордаги пул ўғирланган ва ноқонуний сарф қилиб юборилган, бу ҳақда «Подробно» нашри хабар берди.

«2018 йилнинг сўнгги чорагида бюджет ташкилотларида 1969 марта назорат тадбирлари ўтказилган. Шундан 1717 ҳолатда молиявий интизом бузилиш ҳолатлари аниқланган, шундан 6 миллиард сўми камомад тарзида аниқланган, 23 миллиард сўм эса ноқонуний сарф қилиб юборилган», — дейилади Давлат молия назорати маълумотида.

Шу билан бирга назорат органлари қонунбузарлардан 18,5 миллиард сўмни ундиришга эришган, 871 назорат тадбирлари материаллари қонунда белгиланган тарзда чора кўриш учун ҳуқуқ-тартибот органларига топширилган.

Бундан ташқари, 91 нафар раҳбар ва ташкилот мансабдор шахслари интизом бузилиши учун 59,8 миллиона сўм миқдорида маъмурий жавобгарликка тортилган.