Din muammolari va jamiyatni o‘rganish Yevropa Institut markazi rahbari Lunkin, Magnitogorsk shahrida portlash ro‘y bergan o‘n qavatli uydan sakkiz kishini qutqargan o‘zbekistonlik Alamafruz Abdullayev haqida fikrlari bilan bo‘lishdi. Bu haqda Sputnik xabar berdi.
“Rus jamiyatida migrant judayam murakkab obrazga ega. Mening fikrimcha, Rossiyada ishlab, yashab kelayotganlarga nisbatan odamlar yaxshi muomalada. Biroq, boshqa tarafdan, migrantlarning noqonuniy yashashi haqida virtual xavflar bor. Magnitogorskda o‘zbekistonlikning harakati, ikki madaniyatning bir-biriga yaqinligini namoyish qildi”, — deydi Lunkin.
Ma’lumot uchun, 31-dekabr kuni Magnitogorsk shahrida ertalab o‘n qavatli uyda yuz bergan portlash chog‘ida Alamafruz Abdullayev uyda bo‘lgan. Shovqinni eshitib, u ko‘chaga chiqqan va qulagan binoni ko‘rgan. U vayron bo‘lgan uydan sakkiz kishini olib chiqqan.
Alamafruz Abdullayev Favqulodda vaziyatlar vazirligi xodimlari yetib kelgandan keyin qutqaruvchilarga yordam berish uchun qolgan.
Izoh (0)