Бухоро шаҳрида ички ишлар ходимлари учун янги турар жой фойдаланишга топширилди. Бу ҳақда «Дарё»га журналист Лайло Ҳайитова маълум қилди.
Бухоро вилоят ИИБ матбуот хизмати раҳбари Қувват Ярашовга кўра, 5 қаватли бинонинг лойиҳа-смета қиймати 4 миллиард сўм бўлиб, 30 хонадондан иборат.
—Янги йилнинг илк кунида уч хонали уй калитига эга бўлдим. 9 йилдан буён оилам билан ижарада яшаб келардим. Бугун эса хотиржам яшашимиз учун уч хонали ўз уйимиз бор. Унда барча қулайликлар яратилган, уй нархи ҳам арзон. Дастлабки тўловнинг учдан икки қисми, яъни 23 миллион сўми беш йил муддатда қайтариш шарти билан тўлаб берилди», — дейди вилоят ИИБ пост-патруль хизмати баталони ходими Илёс Ҳамроев.
2019 йилнинг март ойида Бухорода ички ишлар ходимлари учун 30 квартирадан иборат яна битта 5 қаватли уй фойдаланишга топширилади. Айни пайтда объектда қурилиш-ишлари олиб борилмоқда.
Изоҳ (0)