MyDay jurnali tahririyati har yili O‘zbekistonda san’at, musiqa, sport, sayyohlik, pazandalik sohalarida bo‘lib o‘tgan 50 ta muhim hodisalarni saralab oladi, deb xabar berdi jurnal jamoasi “Daryo”ga.
Ro‘yxat ko‘rsatilgan sohalarning 700 dan ortiq vakillari o‘rtasida o‘tkazilgan so‘rovnoma va yil davomida bo‘lib o‘tgan hodisalarni tahririyat tomonidan yoritilishiga asoslanib tuziladi.
Joriy yilda ro‘yxatni haqiqatda muhim hodisa — temirchi Shoahmad Shomahmudov va uning oilasi haykalining tarixiy maskani, san’at saroyi singari avvalgi nomi tiklangan Xalqlar do‘stligi maydoniga qaytarilishi ochib berdi.
Milliy san’at sohasida jurnal O‘zbekiston xalq rassomi Bahodir Jalol, Bobur Ismoilov va kashtado‘z Madina Qosimboyeva ko‘rgazmalarini asosiy hodisalar deb atadi.
Sport sohasida asosiy hodisalar deb paraolimpiyachilar va yosh olimpiyachilarning xalqaro musobaqalardagi muvaffaqiyatlari e’tirof etildi.
Ko‘ngilochar tadbirlar sohasida jurnal Shahrisabzda bo‘lib o‘tgan Xalqaro maqom festivali, Yulduz Usmonova, Sherali Jo‘rayev va boshqa san’atkorlarining ordenlar bilan mukofotlanishi, Dance Music Fest musiqiy festivali, Lola va Benom guruhining “Bir Jamoa” klipi, Meal&Drinks Choice Award restoranlar mukofoti va boshqa hodisalarni qayd etib o‘tdi.
Izoh (0)