MyDay журнали таҳририяти ҳар йили Ўзбекистонда санъат, мусиқа, спорт, сайёҳлик, пазандалик соҳаларида бўлиб ўтган 50 та муҳим ҳодисаларни саралаб олади, деб хабар берди журнал жамоаси «Дарё»га.
Рўйхат кўрсатилган соҳаларнинг 700 дан ортиқ вакиллари ўртасида ўтказилган сўровнома ва йил давомида бўлиб ўтган ҳодисаларни таҳририят томонидан ёритилишига асосланиб тузилади.
Жорий йилда рўйхатни ҳақиқатда муҳим ҳодиса — темирчи Шоаҳмад Шомаҳмудов ва унинг оиласи ҳайкалининг тарихий маскани, санъат саройи сингари аввалги номи тикланган Халқлар дўстлиги майдонига қайтарилиши очиб берди.
Миллий санъат соҳасида журнал Ўзбекистон халқ рассоми Баҳодир Жалол, Бобур Исмоилов ва каштадўз Мадина Қосимбоева кўргазмаларини асосий ҳодисалар деб атади.
Спорт соҳасида асосий ҳодисалар деб параолимпиячилар ва ёш олимпиячиларнинг халқаро мусобақалардаги муваффақиятлари эътироф этилди.
Кўнгилочар тадбирлар соҳасида журнал Шаҳрисабзда бўлиб ўтган Халқаро мақом фестивали, Юлдуз Усмонова, Шерали Жўраев ва бошқа санъаткорларининг орденлар билан мукофотланиши, Dance Music Fest мусиқий фестивали, Лола ва Беном гуруҳининг «Бир Жамоа» клипи, Meal&Drinks Choice Award ресторанлар мукофоти ва бошқа ҳодисаларни қайд этиб ўтди.
Изоҳ (0)