O‘zbekiston va Tojikistonning chegara qo‘shinlari birinchi qo‘shma harbiy kengash o‘tkazdi. Bu haqda Sputnik xabar berdi.
Tadbir 21—22-dekabr kunlari So‘g‘d viloyatining Guliston shahrida bo‘lib o‘tdi.
Uchrashuvda O‘zbekiston Davlat xavfsizlik xizmati chegara qo‘shinlari qo‘mondoni, general-mayor Ruslan Mirzayev, Tojikiston Milliy xavfsizlik davlat qo‘mitasi chegara qo‘riqchilari qo‘mondoni general-polkovnik Rajabali Rahmonali, shuningdek chegara idoralari bo‘linmalari va xizmatlarining rahbarlari ishtirok etdi.
Tomonlar Tojikiston va O‘zbekiston chegaralarida Afg‘oniston bilan bog‘liq vaziyat va uning rivojlanish tendensiyalari to‘g‘risida hisobotlarni taqdim etdi. Bundan tashqari, majlisda Tojikiston—O‘zbekiston davlat chegarasini delimitatsiya va demarkatsiya qilish bo‘yicha hukumatlararo komissiyasi faoliyati samaradorligini oshirish bo‘yicha qaror qabul qilindi.
Harbiy kengash natijalari bo‘yicha tegishli protokollar imzolandi.
Izoh (0)