Joriy yilning 23-dekabr kuni Toshkent viloyatining Olmaliq shahrida yashovchi Z.P. IIBga murojaat qilib, unda shu yil 18-dekabr kuni noma’lum shaxs Mirzo Ulug‘bek ko‘chasida uni kuch ishlatish yo‘li bilan qo‘rqitib, pullarini olib ketganligini ma’lum qilgan. Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar bermoqda.
Ko‘rilgan choralar natijasida ushbu jinoyatni Olmaliq shahrida yashovchi S.S. va F.A.lar sodir etganliklari aniqlanib, ushlangan. Mazkur holat yuzasidan jinoyat ishi qo‘zg‘atilib, tergov harakatlari olib borilmoqda.
Izoh (0)