“Iltimos, meni Hilton’ga olib boring!” – Bu ibora deyarli yuz yil mobaynida dunyoning eng katta mehmonxona tarmog‘ining tashrif qog‘ozi bo‘lib kelgan. U keyingi yilda Toshkentga keladigan insonlarga yuqori mehmonxona xizmati, ish, biznes va bo‘sh vaqtlarini mazmunli o‘tkazish uchun haqiqiy imkoniyatni tuhfa etadi.
Shaharning markazida qad ko‘tarayotgan mehmonxonaning 20 qavatli karkasi insonni e’tiborsiz qoldirmaydi. Uning tugallanishiga bor- yo‘g‘i 2 qavat qolgan. Shundan so‘ng mehmonxona ichki qismi bezatila boshlanadi. Bu jarayonda keng miqyosli ish bajariladi va hech bir narsa e’tibordan chetda qolmaydi. Axir bu yerda 5 yulduzli Hilton mehmonxonasi joylashadi va xizmat ko‘rsatish sifati ham shunga monand yuqori talablarga javob beradi.
Arxitektorlar jamoasi allaqachon maketlar tayyorlashgan, ya’ni mehmonxona nomerlari aks etgan maketlar. Yaqinda Davlat rahbari Tashkent City qurilish maydonchasiga tashrif buyurib ularni ko‘zdan kechirdi, mehmonlar uchun sharoitlarniyanada yaxshilash yuzasidan o‘z fikrlarini bildirdi.
Dizayn loyihalarini tayyorlashda mahalliy me’morlar Angliyaning “Arup” va Turkiyaning “Meteks” loyiha-injenering kompaniyalari mutaxassislari bilan hamkorlikda ishlashdi.
Namunali raqamlarni yaratishdan avval, dizaynerlar mehmonnavozlikning milliy yo‘nalishlarini batafsil o‘rganib chiqdilar. Bugungi kunda O‘zbekiston mehmonxona bozori qanday xizmatlarni talab qilayapti? Bu topshiriq yuqori darajada edi - Hilton mehmonxonasi nafaqat zamonaviy talablarga javob berishi, balki bir qadam oldinda bo‘lishi kerak.
Besh yulduzli mehmonxonalarning standart xonasi 32 kvadrat metrni tashkil qiladi. Hilton’da esa eng kichik maydon 40 kvadrat metr bo‘ladi. Xonalarni ajratib turuvchi devorlar shovqin o‘tkazmaydigan standartlar bo‘yicha ishlab chiqarilgan izolyatsion ko‘p qatlamli konstruksiyalarga ega bo‘ladi. Bu bir necha yildan keyin sohadagi yangiliklarni mehmonxonaga joriy etishda juda qo‘l keladi. Ya’ni xonalar ichki qismini osongina, tubdan o‘zgartirish imkoniyati mavjud bo‘ladi.
Mehmonxonaning ichki ko‘rinishi milliy uslubda yaratiladi. U har narsada o‘zini namoyon qiladi - bu intererda, deraza va eshiklar geometriyasi, ranglar sxemasi va dizaynida yaqqol aks etadi.
Birichi qavatda, balandligi 8 metr keladigan pillapoyalardan ko‘tarilsangiz u yerda reseption, shuningdek, o‘ralgan launj-zona va ziyofat xonasi joylashadi. Mualliflarning fikriga ko‘ra, uning maydoni 750 kvadrat metrga teng bo‘ladi. U yanada kichikroq xonalarga bo‘linishi mumkin. Mehmonxonaning so‘ngi qavatida shaharning panorama manzarasini tomosha qilib, maroqli xordiq chiqarib o‘tirish imkonini beradigan restoran joylashadi.
Mehmonxonada jami 258 nomer mavjud bo‘ladi. Shundan, 300 metr kvadrat maydonga teng 8 ta nomer oliy martabali mehmonlar uchun xizmat qiladi. Qolaversa, fitnes-zal, Spa-salon, uchinchi qavatda esa 1,5 metr chuqurlikka ega jakuzini o‘z ichiga olgan suzish havzasi bo‘ladi.
Tashkent City XIM hududining 5-lotida qurilayotgan ushbu mehmonxona ishga tushirilganidan so‘ng, bu O‘zbekistonning eng baland mehmonxonasi bo‘ladi.
Xalqaro toifadagi mutaxassislarning ta’kidlashicha, mazkur mehmonxona mintaqada eng yaxshisi bo‘ladi va bu yerda hamma narsa Hilton’ning korporativ obro‘siga va 5 yulduzli xizmat darajasiga mos keladi.
Tashkent City’ning Facebook, Instagram’dagi va Telegram-kanalida yanada ko‘proq yangiliklardan xabardor bo‘ling. Obuna bo‘ling va so‘nggi yangiliklarni birinchi bo‘lib bilib oling!
Reklama huquqi asosida.
Izoh (0)