«Илтимос, мени Hilton’га олиб боринг!» – Бу ибора деярли юз йил мобайнида дунёнинг энг катта меҳмонхона тармоғининг ташриф қоғози бўлиб келган. У кейинги йилда Тошкентга келадиган инсонларга юқори меҳмонхона хизмати, иш, бизнес ва бўш вақтларини мазмунли ўтказиш учун ҳақиқий имкониятни туҳфа этади.
Шаҳарнинг марказида қад кўтараётган меҳмонхонанинг 20 қаватли каркаси инсонни эътиборсиз қолдирмайди. Унинг тугалланишига бор- йўғи 2 қават қолган. Шундан сўнг меҳмонхона ички қисми безатила бошланади. Бу жараёнда кенг миқёсли иш бажарилади ва ҳеч бир нарса эътибордан четда қолмайди. Ахир бу ерда 5 юлдузли Hilton меҳмонхонаси жойлашади ва хизмат кўрсатиш сифати ҳам шунга монанд юқори талабларга жавоб беради.
Архитекторлар жамоаси аллақачон макетлар тайёрлашган, яъни меҳмонхона номерлари акс этган макетлар. Яқинда Давлат раҳбари Tashkent City қурилиш майдончасига ташриф буюриб уларни кўздан кечирди, меҳмонлар учун шароитларниянада яхшилаш юзасидан ўз фикрларини билдирди.
Дизайн лойиҳаларини тайёрлашда маҳаллий меъморлар Англиянинг «Аруп» ва Туркиянинг «Метекс» лойиҳа-инженеринг компаниялари мутахассислари билан ҳамкорликда ишлашди.
Намунали рақамларни яратишдан аввал, дизайнерлар меҳмоннавозликнинг миллий йўналишларини батафсил ўрганиб чиқдилар. Бугунги кунда Ўзбекистон меҳмонхона бозори қандай хизматларни талаб қилаяпти? Бу топшириқ юқори даражада эди - Hilton меҳмонхонаси нафақат замонавий талабларга жавоб бериши, балки бир қадам олдинда бўлиши керак.
Беш юлдузли меҳмонхоналарнинг стандарт хонаси 32 квадрат метрни ташкил қилади. Hilton’да эса энг кичик майдон 40 квадрат метр бўлади. Хоналарни ажратиб турувчи деворлар шовқин ўтказмайдиган стандартлар бўйича ишлаб чиқарилган изоляцион кўп қатламли конструкцияларга эга бўлади. Бу бир неча йилдан кейин соҳадаги янгиликларни меҳмонхонага жорий этишда жуда қўл келади. Яъни хоналар ички қисмини осонгина, тубдан ўзгартириш имконияти мавжуд бўлади.
Меҳмонхонанинг ички кўриниши миллий услубда яратилади. У ҳар нарсада ўзини намоён қилади - бу интерерда, дераза ва эшиклар геометрияси, ранглар схемаси ва дизайнида яққол акс этади.
Биричи қаватда, баландлиги 8 метр келадиган пиллапоялардан кўтарилсангиз у ерда reseption, шунингдек, ўралган лаунж-зона ва зиёфат хонаси жойлашади. Муаллифларнинг фикрига кўра, унинг майдони 750 квадрат метрга тенг бўлади. У янада кичикроқ хоналарга бўлиниши мумкин. Меҳмонхонанинг сўнги қаватида шаҳарнинг панорама манзарасини томоша қилиб, мароқли хордиқ чиқариб ўтириш имконини берадиган ресторан жойлашади.
Меҳмонхонада жами 258 номер мавжуд бўлади. Шундан, 300 метр квадрат майдонга тенг 8 та номер олий мартабали меҳмонлар учун хизмат қилади. Қолаверса, фитнес-зал, Spa-салон, учинчи қаватда эса 1,5 метр чуқурликка эга жакузини ўз ичига олган сузиш ҳавзаси бўлади.
Tashkent City XИМ ҳудудининг 5-лотида қурилаётган ушбу меҳмонхона ишга туширилганидан сўнг, бу Ўзбекистоннинг энг баланд меҳмонхонаси бўлади.
Халқаро тоифадаги мутахассисларнинг таъкидлашича, мазкур меҳмонхона минтақада энг яхшиси бўлади ва бу ерда ҳамма нарса Hilton’нинг корпоратив обрўсига ва 5 юлдузли хизмат даражасига мос келади.
Tashkent City’нинг Facebook, Instagram’даги ва Telegram-каналида янада кўпроқ янгиликлардан хабардор бўлинг. Обуна бўлинг ва сўнгги янгиликларни биринчи бўлиб билиб олинг!
Реклама ҳуқуқи асосида.
Изоҳ (0)