2018-yil yanvar-noyabr oylari yakunlariga ko‘ra, respublikada tashqi savdo aylanmasi 28 664,7 mln. AQSh dollarini tashkil etib, o‘tgan yilning shu davriga nisbatan 17,6 %ga o‘sdi. Bu haqda Davlat statistika qo‘mitasi xabarida aytiladi.
Shu jumladan, eksport hajmi 11 324,0 mln. AQSh dollarga (3,2 %ga kamaygan) va import hajmi 17 340,7 mln. AQSh dollariga (o‘sish sur’ati 36,8 %) yetdi. Tashqi savdo saldosi minus 6 016,7 mln. AQSh dollarini tashkil qildi.
Joriy yilning yanvar-noyabr oylari yakunlariga ko‘ra, paxta tolasining umumiy eksportdagi ulushi avvalgi yillarning shu davriga nisbatan sezilarli darajada kamayganini ko‘rish mumkin. Ushbu davrda jami 110,9 ming tonna paxta tolasi eksport qilingan.
Shu bilan birga ta’kidlanishicha, 2018-yilning noyabr oyida eksport qilingan tovar va xizmatlar, oktabr oyiga nisbatan 97,6 mln. AQSh dollarga ko‘proq eksport qilindi va 975,9 mln. AQSh dollarini tashkil etdi. Tovar va xizmatlar importi hajmi esa 1828,1 mln. AQSh dollarini tashkil qilgan bo‘lib, bu esa oktabr oyiga nisbatan 11,2 mln. AQSh dollariga ko‘proqdir.
2018-yil yanvar-noyabr oylarida respublika tashqi savdo aylanmasida yuqori ulushga ega davlatlar ketma-ketligi joriy yilning yanvar oyidan buyon deyarli o‘zgarishsiz qolmoqda:
Izoh (0)