2018 йил январь ноябрь ойлари якунларига кўра, республикада ташқи савдо айланмаси 28 664,7 млн. АҚШ долларини ташкил этиб, ўтган йилнинг шу даврига нисбатан 17,6 %га ўсди. Бу ҳақда Давлат статистика қўмитаси хабарида айтилади.
Шу жумладан, экспорт ҳажми 11 324,0 млн. АҚШ долларга (3,2 %га камайган) ва импорт ҳажми 17 340,7 млн. АҚШ долларига (ўсиш суръати 36,8 %) етди. Ташқи савдо салдоси минус 6 016,7 млн. АҚШ долларини ташкил қилди.
Жорий йилнинг январь ноябрь ойлари якунларига кўра, пахта толасининг умумий экспортдаги улуши аввалги йилларнинг шу даврига нисбатан сезиларли даражада камайганини кўриш мумкин. Ушбу даврда жами 110,9 минг тонна пахта толаси экспорт қилинган.
Шу билан бирга таъкидланишича, 2018 йилнинг ноябрь ойида экспорт қилинган товар ва хизматлар, октябрь ойига нисбатан 97,6 млн. АҚШ долларга кўпроқ экспорт қилинди ва 975,9 млн. АҚШ долларини ташкил этди. Товар ва хизматлар импорти ҳажми эса 1828,1 млн. АҚШ долларини ташкил қилган бўлиб, бу эса октябрь ойига нисбатан 11,2 млн. АҚШ долларига кўпроқдир.
2018 йил январь ноябрь ойларида республика ташқи савдо айланмасида юқори улушга эга давлатлар кетма-кетлиги жорий йилнинг январь ойидан буён деярли ўзгаришсиз қолмоқда:
Изоҳ (0)